London Calling mam Serge Reuter

London Calling: Arcelor Mittal Orbit: Eng Rutsch vir London

04.05.2016, 00:26 - Fir d'lescht aktualiséiert: 04.05.2016, 12:38

Säit Joere wënschen sech d'Londoner, dass den Orbit, d'Woorzeeche vum Olympesche Park, an eng Rutschbahn transforméiert gëtt. Elo gëtt dëse Wonsch Realitéi

2012 war jo e wichtegt Joer hei an der britescher Haaptstad. D’Olympesch Spiller waren zu Gaascht, d’Queen huet hiere 60 Trounjubiläum gefeiert a vill nei Gebaier an Attraktioune sinn opgaangen. Dorënner och, den Arcelor Mittal Orbit, eng Stolkonstruktioun nieft dem Olympesche Stadion, déi awer och als Aussiichtsplattform a Bar genotzt gëtt. Ween den Orbit schomol gesinn huet, dee weess dass d’Attraktioun eigentlech wéi eng riseg verknueten Rutschbahn ausgesäit. Säit Joere wënschen sech d’Londoner, dass den Orbit och tatsächlech an eng Rutschbahn ëmtransforméiert gëtt an elo gëtt dëse Wonsch, zur grousser Iwwerraschung vun de Briten, tatsächlech Realitéit.

Lauschtert hei de Reportage:

Loading audio...

Nodeems d’Visiteurszuelen vum Orbit no den Olympesche Spiller an de Keller gaange sinn an och do bliwwe sinn, hunn d’Bedreiwer elo an déi laang erhoffte Rutschbahn investéiert. Ticketen kann een dann ab elo vir a Präis vu ronn 18 Euro virbestellen. Domadder kann een dann souwuel d’Aussiichtsplattform besichen, wéi och déi 200 Meter laang Rutschbahn aus enger Héicht vun 75 Meter aus erofrutschen. Weem dat eppes seet, dee muss sech bäimaachen, schliisslech erfreeën sech d’Ticketen elo scho grousser Beléiftheet.

 

De 24 Juni geet d’Rutschbahn dann offiziell op a ween sech traut dës ze benotzen, dee Rutsch dann och op engem Stéck Lëtzebuerg erof. 60% vum Stol dee vir de Bau vum Orbit benotzt gouf, ass nämlech am Grand Duché produzéiert ginn.

London Calling: Captain Britain

26.04.2016, 00:01 - Fir d'lescht aktualiséiert: 26.04.2016, 00:00

Kee Schreiffeeler: De Captain Britain gëtt et wierklech!

Ab nächstem Weekend kann een nees dem Captain America seng neisten Aventuren am Kino verfollegen. Hien ass jo ouni Zweiwel ee vun de beléifteste Superhelden am Moment, och wann hie jo eigentlech als Propaganda vir d’Amerikanescht Militär konzipéiert gouf. Wat vill Leit awer net wëssen ass, dass et och eng britesch Versioun vum Captain America gëtt mam wéineg iwwerraschenden Numm Captain Britain an dee soll, Rumeuren no, elo seng eegen Telesemissioun kréien.

Lauschtert hei de Reportage:

Loading audio...

Mee ween ass de Captain Britain dann iwwerhaapt? Säi richtegen, an net terribel briteschen Numm, ass Brian Baddock. Hien ass e Physiker deen, wéi dat bei Superhelden üblech ass, seng Elteren an engem trageschen Accident verluer huet. Hien ass immens staark a schnell, ka fléien an och e bëssen zauberen, wat dorobber zréckzeféieren ass, dass hie seng Kräfte vum Zauberer Merlin krut. Seng Missioun ass et d’Rechter vun de Briten op der Welt ze verteidegen.

Vir d’alleréischte Kéier ass de Captain Britain 1976 an engem Comic opgedaucht an huet säithier mat a géint esou zimlech all Superhelden déi mär am Kino gesinn, gekämpft. Ween elo mengt, dem Captain America seng Uniform vir ze patriotesch, dee soll sech onbedéngt eng Foto vum Captain Britain ukucken, deem säi Costume quasi just aus engem groussen Union Jack Fändel besteet. Superheldefilmer a –serien si jo den Ament voll am Trend. D’Chance stinn also gutt, dass mär eventuell geschwënn och e britesche Superheld am Kino oder op der Tele gesi wäerten.

Twitter: @EldoLondon a @SergeReuter

Brexit 2016: Hug A Brit

21.04.2016, 00:01 - Fir d'lescht aktualiséiert: 21.04.2016, 00:00

Vir d'Briten dozou ze iwwerriede géint en EU Austrëtt ze stemmen, gëtt et elo eng nei Campagne hei a Groussbritannien.

Bleift Groussbritannien an der EU oder net? Dat ass déi Fro, déi Briten am Moment am meeschte beschäftegt an och wann et laang dono ausgesinn huet, wéi wann d’Populatioun sech ganz kloer géint en Austrëtt entscheede wärt, esou huet sech de Wand an de läschte Wochen nawell gedréint an d’Gefor vun engem sougenanntene Brexit gëtt ëmmer méi reell. Den 23 Juni dierfen d’Briten da ganz offiziell iwwert hier Zukunft an oder ausserhalb vun der EU ofstëmmen, a vir d’Leit hei a Groussbritannien dozou ze iwwerrieden, Deel vun der EU ze bleiwen, gëtt et elo eng nei, net komplett eescht gemengte Campagne déi vun EU Bierger, déi hei a Groussbritannien liewen, initiéiert gouf.

Lauschtert hei de Reportage:

Loading audio...

D’Campagne mam Numm “Hug a Brit” (also Huel e Brit an den Aarm) rifft dann all d’Europäer dozou op, hier Frënn, Kollegen a Famill déi britesch sinn, an den Aarm ze huele vir hinnen domadder ze weisen, dass d’EU se awer gären huet an se wann ech gelift Deel vun Europa bleiwe sollen. Dat Ganzt soll een da fotograféieren an op Social Media posten zesumme mat den Hashtags HugABrit a PleaseDontGoUK. D’Campagne erfreet sech grousse Beléiftheet, net nëmmen hei a Groussbritannien mee iwwerall op der Welt.

 

D’Brite selwer reagéiere gemëscht. Engersäits sinn se natierlech geschmeechelt esouvill Léift an Opmierksamkeet vun der verhaasster EU ze kréien, anerersäits geet et géint all britesch Normen einfach emol a Friemen an den Aarm ze huelen. Et ass wuel nees eng Lektioun vir d’Briten, dass een a punkto EU net alles kann hunn. Op dës Campagne duer geet vir sinn ze iwwerzeege géint en Austrëtt ze stemmen, wäerte mär dann den 23 Juni gewuer ginn.

Twitter: @EldoLondon a @SergeReuter

Vegan Glacen: De Summertrend 2016

19.04.2016, 00:01 - Fir d'lescht aktualiséiert: 19.04.2016, 00:00

D’Londoner sinn sech elo schonn eens, dass 2016 d’Joer vun de vegane Glace wärt sinn.

Et ginn ëmmer méi Leit déi sech ganz bewosst vir e Liewen ouni Fleesch an Déiereproduiten entscheeden an och hei zu London ass dat net aneschters. Wou déi meescht Leit dat aus moraleschen oder gesondheetleche Grënn maachen, esou ass et an der britescher Haaptstad awer och grad voll am Trend sech vegan ze ernähren. Besonnesch am Summer, huet een et als Veganer awer net ëmmer einfach, schliisslech däerf ee keng Glacen an och kee Frozen Yoghurt iessen. Kuerz virun der waarmer Joereszäit, gëtt et awer Hoffnung, opmannst emol vir all déi Londoner Veganer.

Lauschtert hei de Reportage:

Loading audio...

Am hippe Staddeel Soho huet viru Kuerzem deen éischte komplett vegane Glacen a Frozen Yoghurt Buttek mam Numm Yorica seng Dieren opgemeent. Hei kritt een da Glacë mat ganz besonnesch Goût ze schmaachen, wéi zum Beispill Matcha Téi, Algen oder Räismëllech. Als Toppings op d’Glace ginn et dann déi üblech Produiten ewéi Gummibärecher oder Oreokichelcher - natierlech an der veganer Variant. An net nëmme Veganer kommen hei op hier Käschten, och Leit mat Allergië kennen am Yorica zouschloe well sämtlech Produite sinn och ouni Eeër, Nëss a Gluten produzéiert ginn.

 

Algeglace

Vegan Glacë ginn et scho méi laang, mee eréischt Säit kuerzem offréiere souwuel Ben & Jerry’s ewéi och e puer britesch Glacemarken, vegan Variatioune vun hire Produiten. D’Londoner sinn sech op jidder Fall elo schomol eens, dass 2016 d’Joer vun de vegane Glace wärt sinn. Ween also dëse Summer voll am Trend leie well, dee bestellt sech am beschten eng Algeglace mat veganen Oreoskichelcher drop.

Twitter: @EldoLondon a @SergeReuter

Shoreditch Air: Londoner Loft vir ennerwee

05.04.2016, 00:00

Zu London kann ee well Loft aus verschiddenen Staddeeler vun der britescher Haaptstad kafen. Eng verréckten Iddi!

Zu London läit am Moment iergendeppes an der Loft. Nodeems virun e puer Wochen déi britesch Haaptstad nach iwwert Pigeon Air geschwat huet, esou reselt d’Natioun elo de Kapp iwwert eng nach vill méi verréckten Iddi déi definitiv keen Abrëllsgeck ass. Am Hipster Staddeel Shoreditch kann een elo nämlech e Produit mam Numm Shoreditch Air kafen deen, wéi den Numm et eigentlech scho verréit, aus engem grousse Glas voller Loft aus Shoreditch besteet.

Lauschtert hei de Reportage:

Loading audio...

De Produit gëtt et dann am Moment a 4 Variatiounen, dorënner souwuel Mueresloft an Owesloft vu Shoreditch awer och d’Loft vun zwee anere Staddeeler, nämlech Brixton a Croydon. D’Websäit vu Shoreditch Air erklärt, dass dëst genee dat richtegt wier, vir Leit déi ëmmer schomol wësse wollten, ewéi et hei zu London esou richt. Connaisseuren kéinten dann an der Loft och Noute vu gegrilltem Poulet, Tubak a Gras errichen.


Dass den Undrang sech hei a Grenzen hält verwonnert awer keen, schliisslech weess jiddwereen, dass d’Loft hei zu London mat déi dreckegsten op der Welt ass. Den Entrepreneur hannert der Iddi huet dann och zouginn, dass, obwuel den Interessi u sengem verréckte Produit grouss wier, e bis elo nach keen eenzegt Glas verkaf huet. Dat läit vläit och um Präis, deen vir e Juxproduit zimlech héich ass. Ab 35 Euro kann een nämlech een esou e Glas kafen.

Twitter: @EldoLondon a @SergeReuter